BDU-da “İrs” beynəlxalq jurnalının və “İrs” seriyası adı altında çap olunan kitabların təqdimatı keçirilib (FOTO)

BDU-da “İrs” beynəlxalq jurnalının və “İrs” seriyası adı altında çap olunan kitabların təqdimatı keçirilib (FOTO)
19:15 11 İyul 2019
83 Ölkə
Ölkə mətbuatı
A- A+

Bakı. Trend:

Bakı Dövlət Universitetində (BDU) “İrs” beynəlxalq jurnalının və “Paşa Həyat Sığorta” ASC-nin dəstəyi ilə “İrs” seriyası adı altında çap olunan kitabların təqdimatı keçirilib.

BDU-dan Trend-ə verilən məlumata görə, Universitetin rektoru Elçin Babayev ölkəmiz haqqında həqiqətlərin dünyaya çatdırılmasında “İrs” jurnalının xidmətlərindən danışıb.

18 dildə çap olunan və dünyanın 70-dən çox ölkəsində yayımlanan jurnalın və “İrs” seriyası adı altında çapdan çıxan 10 adda kitabın mədəni irsimizin, dəyərlərimizin təbliği istiqamətindəki töhfələrini qeyd edən rektor Elçin Babayev bu nəşrlərin işıq üzü görməsinə dəstək verən “Paşa Həyat Sığorta”nın bu işdəki nəcib fəaliyyətini xüsusilə qeyd edib.

Musa Mərcanlı baş redaktoru olduğu “İrs” və “Azerbaijan Airlines” jurnallarının müxtəlif dillərdə çap olunmasını ölkəmizin tarixi, mədəniyyəti və incəsənətinin beynəlxalq miqyasda təbliğ olunmasındakı roluna diqqət çəkərək universitet alimlərini əməkdaşlığa dəvət edib.

“Paşa Həyat Sığorta” ASC-nin İdarə Heyətinin sədri Niyaz İsmayılov Azərbaycanın milli-mədəni irs nümunələrinin beynəlxalq səviyyədə təqdim olunması məqsədilə həyata keçirilən layihələrə verilən dəstəyin nəticələrindən məmnunluğunu ifadə edib.

Görüşdə universitetin professor-müəllim heyətinin və Jurnalistika fakültəsi tələbələrinin “İrs” jurnalı ilə əməkdaşlıq məsələləri müzakirə edilib, jurnalın xüsusi buraxılışının Bakı Dövlət Universitetinin 100 illik yubileyinə həsr olunması barədə razılığa gəlinib.

Rektorun Humanitar-sosial məsələlər və informasiya təminatı üzrə müşaviri Əliş Ağamirzəyev və Jurnalistika fakültəsinin dekanı Vüqar Əliyev əməkdaşlıq əlaqələrindən danışıblar.

Sonda “İrs” jurnalının nömrələri və “İrs” seriyası adı altında çap olunan 10 adda kitab universitetin elmi kitabxanasına hədiyyə olunub.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/society/3089379.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR